मैले देखेको मेरो देश
यो देश मेरो, बहुतै छ राम्रो
भन्दै गाउँछु, अनि नाँच्छु राम्रो
घुम्छु म मेरो, देशका कुना है
र लेख्छु काव्य, खुसीले गद्गद् भै ।
आचार्य, राई, अधिकारी, थारु
मिलेर बस्छौं, बनि है सहिष्णु
माघी र क्रिस्मस्, ती चाड मेरा
दसैँ तिहार, साझा है सबैका ।
जागेर आईकन है मेरो ता
धड्कन बढ्छ, रउँ हुन्छन् ठाडा
जब देशको सुन्छु राम्रा राम्रा कुरा
माया यही हो भन्नु हुन्छ बाबा ।
सधैँ रमाउँछु, यही देश भित्र
फर्केर आउँछु, गए पनि दूर
राखेर खुसी, मेरा दुई आमा
हुनेछन तृप्त, मन, मुटु, आत्मा ।
जन्मेँ यहीँ नै, र हुर्के यहीँ नै
जहाँ बाँचेनी, म हुन्छु यहीँ नै
केही दिएरै मर्छु कि म यहीँ
हाँसेको देश, उपहार यही ।
0 Comments